November 30, 2025

Ruushka Oo Weeraro Xogan Ku Qaaday Ukraine, Iyo Dhibaato Xoogan Oo Ka Dhalatay.

Wararka ayaa sheegaya in Hal qof  ku dhintay, 11 kalena waa ku dhaawacmeen kaddib markii diyaarado aan duuliye lahayn oo Ruushku leeyahay ay weerar ku qaadeen duleedka caasimadda Kyiv, sida uu sheegay guddoomiyaha gobolka Kyiv, Mykola Kalashnyk.

Weeraradan cusub ayaa yimid iyadoo habeenkii Sabtida weerarro ballaaran oo Ruushku fuliyay ay dalka Ukraine oo dhan ka dhigeen goob dagaal oo isku mar ah, islamarkaana ugu yaraan 6 qof ay ku dhinteen, halka dhowr iyo toban kale ay ku dhaawacmeen gobollo kala duwan.

Sidoo kale Weeraradu waxay  korontada ka gooyeen 400,000 guri oo ku yaalla magaalada Kyiv iyo hareeraheeda.

Madaxweynaha Ukraine, Volodymyr Zelenskyy, ayaa sheegay in Ruushku uu qaaday weerar aan caadi ahayn, oo ka koobnaa 36 gantaal iyo ku dhowaad 600 diyaaradood oo drones dagaal ah.

Shaqaalaha gurmadka degdegga ah ayaa xaqiijiyay in ugu yaraan laba ka mid ah 6-da dhimasho iyo 38 dhaawac ay ka dhaceen gudaha caasimadda Kyiv.

Wasaaradda Difaaca ee Ruushka ayaa xaqiijisay weerarkaas, iyada oo ku tilmaamtay weerar ballaaran oo ay ku bartilmaameedsadeen warshadaha difaaca, saldhigyada tamarta, iyo kaabayaasha muhiimka ah ee Ukraine.

Dowlada Ruushka  wuxuu ku sababeeyay weerarku in uu ahaa jawaab celin ka dhan ah waxa uu ugu yeeray weerarro argagixiso oo Ukraine fulisay, ayadoo Ruushku uu soo ridey 158 diyaaradood oo aan duuliye lahayn.

nala wadaag xogta aad heeyso oo saxan

Fakirkaada waa inoo muhiim ee nala wadaag

email address Ma soo bandhigi doono marna haka cabsan hadii anan ogalaansho kaa helin Mhadsanid.


*