Madaxweynaha dowladda Federaalka Soomaaliya Xasan Sheekh Maxamuud oo ay wehelinayaan Wasiirro ka tirsan Xukuumadda Federaalka ah iyo saraakiisha Ciidamada Qalabka Sida ayaa soo gaaray magaalada Dhuusamareeb ee Xarunta Dowlad-goboleedka Galmudug.
Madaxweyanaha ayaa sii diirran loogu soo dhaweeyey;Magaalada Dhuusamareeb waxaana ku soo dhaweeyay Madaxweynaha Dowlad-goboleedka Galmudug Mudane Axmed Cabdi Kaariye, Kuxigeenkiisa Mudane Cali Daahir Ciid, Guddoonka iyo Xildhibaannada Golaha Wakiillada Galmudug, bulshada iyo odeyaasha dhaqanka.
Dhanka kale Madaxweynaha Soomaaliya ayaa inta uu ku sugan yahay Dhuusamareeb waxa uu kulammo la leeyan doonaa Madaxda Galmudug iyo qaybaha bulshada, isaga oo xarigga ka jari doona mashaariic horumarineed oo laga hirgaliyey Galmudug.
Sidoo kale, Safarka Madaxweynaha ayaa ku saleysan dardar gelinta dagaalka ka dhanka ah Khawaarijta, iyadoo uu xoogga saari doona abaabulka bulshada iyo dhiirri gelinta ciidamada naftooda u huraya xoreynta dalka.
Fakirkaada waa inoo muhiim ee nala wadaag