Madaxweeyne Donald Trump ayaa sheegay in uu aad ugu carooday madaxweynaha Ruushka Vladimir Putin ka dib toddobaadyo uu isku dayay in uu ka xaajoodo xabbad joojinta Ukraine.
Wareysi uu siiyay NBC News, ayuu madaxweynaha Mareykanka ku sheegay in uu Madaxweeyne Putin ugu carooday in uu weeraray kalsoonida madaxweynaha Ukraine Volodymyr Zelensky, wuxuuna ku hanjabay in uu canshuur 50% ah ku soo rogi doono waddamada iibsada saliidda Ruushka haddii uusan aqbalin xabbad joojin.
“Haddii aniga iyo Ruushka aan awoodin inaan heshiis ka gaarno joojinta dhiigga daadanaya ee Ukraine, iyo haddii aan u maleynayo inay tahay qaladka Ruushka – taas oo laga yaabo inaysan ahayn… Waxaan ku soo rogi doonaa canshuur labaad … dhammaan saliidda ka soo baxda Ruushka,” ayuu yiri.
Hadaladaasi waxay muujinayaan isbeddel ku yimid wadahadalkii Trump ee ku aaddanaa Putin iyo Ruushka.
Dhanka kale Hogaamiyayaasha Yurub ayaa ka walwalsanaa in Madaxweeyne Trump uu ku qanacsan yahay Madaxweeyne Putin iyadoo ay socdaan wada xaajoodyada xabbad joojinta ee Ukraine .
Lixdii toddobaad ee la soo dhaafay, Madaxweeyne Trump waxa uu Madaxweeyne Zelensky ku aflagaadeeyay Xafiiska Oval-ka wuxuuna ku qasbay In madaxweynaha Ukraine wax badan ka tanaasulo.
Si kastaba ha ahaatee waxa ay u muuqataa in ay meesha ka saareysaa saxibtinimadii hore ee Trump iyo Putin.
Waa markii ugu horeysay ee Mareykanku uu si adag ugu hanjabo Ruushka cawaaqib xumada uu ka dhaxli doono
Fakirkaada waa inoo muhiim ee nala wadaag