Israa’iil oo ku dhawaaqday hay’ad gaar ah oo u qaabilsan barakicinta dadka reer Qasa
Maamulka Israa’iil ayaa ku dhawaaqay inuu dhisayo hay’ad gaar ah oo ka shaqayn doonta barakicinta dadka ku nool marinka Qasa, kuwaas oo la doonayo in dalal kale loo musaafiriyo, dhulkoodana xoog lagu qaato.
Afhayeen u hadashay ra’iisul wasaare Israa’iil Benjamin Netanyahu ayaa xaqiijisay in hay’addan la dhisayo ka dib markii golaha ammaanka ee Israa’iil ay ansixiyeen qorshe uu soo bandhigay wasiirka gaashaandhigga maamulkaas Israel Katz.
Dowlaha carab oo ay kamid tahay Masar ayaa durbadiiba cambaareeyay ku dhawaaqista Israel ee hay’addan, waxayna sheegeen inuu lama-taabtaan yahay dhulka dadka falastiiniyiinta gaar ahaan Qasa, ayagoo beesha caalamka iyo golaha ammaanka ugu baaqay inay mowqif adag ka qaataan xadgudubyada iyo daandaansiga Israa’iil.
Israa’iil ayaa taageero xooggan oo ku aaddan gumaadka iyo barakicinta dadka reer Qasa ka helaysa maamulka Trump, waxayna laba dhinac dunida ka baadi-goobayaan dal oggolaada in dhulkiisa qasab loogu raro Falastiiniyiinta.
Waa dulmi aad u weeyn umad dhan ayaa dhulkeedii laga xoogayaa balse ma dhaceeyso hadii uu ilaahay idmo
Fakirkaada waa inoo muhiim ee nala wadaag