Ciidamada maamulka Jubbaland iyo Kumaandooska Danab ayaa xalay ka fuliyay Degmada Jamaame hawlgal qorshaysan oo lagu beegsanayay horjogayaal ka tirsan maleeshiyaadka Al-shabaab, sida ay sheegtay Jubbaland.
Hawlgalka ayaa lagu khaarjiyay horjoogihii ugu weynaa ee deegaankaasi si weyn looga yaqaanay, kaasoo lagu magacaabi jiray Faarax Jibriil, iyo toddoba kale, kuwaas oo muddo dheer dhibaato iyo caddaadis ku hayay shacabka deegaanka.
Sidoo kale Saraakiisha howlgalka hogaaminaya ayaa xaqiijiyay in hawlgalka uu si guul ah ku dhammaaday, isla markaana uu qeyb ka yahay qorshe ballaaran oo lagu xaqiijinayo xasilloonida Jamaame, nawaaxigeeda iyo guud ahaan Dowladda Jubbaland.
Dhanka kale Waxaa socda hawlgallo kale oo qorshaysan oo lagu xaqiijinayo nabadda iyo amniga shacabka kaas lagu beegsanayo meel kasta oo ay ku dhuumaaleysanayeen Maleeshiyaadka Al-shabaab.
Fakirkaada waa inoo muhiim ee nala wadaag