Guddiga Doorashooyinka Qaranka ayaa maanta ku dhawaaqay in doorashada Golaha Deegaanka la qaban doono 25-ka bisha December ee soo socota, kadib markii dib-u-dhac ku yimid jadwalkii hore ee uu guddigu u qorsheeyay, kaas oo ku beegnaa 30-ka November oo berri ku asteysan.
Guddoomiyaha Guddiga Doorashooyinka Qaranka, Cabdikariin Axmed Xasan, ayaa sheegay in ururrada siyaasadda ay sii wadan karaan ololahooda doorashada illaa maalinta rasmiga ah.
Sidoo kale Wuxuu shacabka ku boorriyay in ay qaataan kaararka codbixinta si ay uga qaybqaataan doorashooyinka Qaranka ee soo socda.
Dhanka kale, ururrada siyaasadda intooda badan ayaa ka soo horjeestay hanaanka uu guddigu u wado diyaarinta doorashada, iyagoo shaki galiyay madax-bannaanida xubnaha Guddiga Doorashooyinka Qaranka.
Guddiga Doorashooyinka ayaa sheegay in dib-u-dhaca jadwalku uu ka dhashay arrimo farsamo iyo diyaar-garowga doorashada, balse ay ka go’an tahay in doorashadu ku dhacdo waqtiga cusub ee lagu dhawaaqay.
Fakirkaada waa inoo muhiim ee nala wadaag