Diyaaradaha dagaalka dowladda Mareykanka , ayaa duqeyn dhinaca cirka ah oo lagu beegsaday kooxda Al Shabaab ayaa ka fuliyay duleedka magaalada Kismaayo ee xarunta gobolka Jubbada Hoose.
“Iyadoo la kaashanayo Dowladda Federaalka Soomaaliya, Taliska Ciidamada Mareykanka ee Afrika (AFRICOM) ayaa duqeyn dhanka cirka ah ka fuliyay meel qiyaastii 40 meel waqooyi-galbeed kaga beegan magaalada Kismaayo, si loo beegsado maleeshiyaadka Khawaarijta Al-Shabaab” ayaa lagu yiri war lagu baahiyay wakaaladda wararka ee Sonna.
Duqeyntan ayaa dowlada Soomaaliya ku sheegtay in ay qeyb ka tahay dadaallada wadajirka ah ee lagu ciribtirayo awoodda maleeshiyaadka ah ee Al-Shabaab ee qorsheynta iyo fulinta weeraro argagixiso oo khatar ku ah shacabka Soomaaliyeed, ciidamada qalabka sida iyo saaxiibada caalamiga ah.
Dowladda Federaalka Soomaaliya ayaa uga mahad celisay howlgalka AFRICOM, si ay ciidanka Qaranka Soomaaliya uga garabsiinayaan weerarada dhinaca cirka ah ee lala beegsado kooxda Al Shabaab.
Fakirkaada waa inoo muhiim ee nala wadaag