Sida wararka lagu helayo ayaa sheegaya In Magaalada Muqdisho ay Xalay Ka Baxeen Ciidamo Xoogan, iyagoona ku wajahan jiidaha hore ee deegaanada Galmudug.
Ciidamada ayaa isugu jira cutubyo ka tirsan Ciidanka Xoogga Dalka iyo maleeshiyaad u badan kuwo deegaan ahaan ka soo jeeda Degmada Ceeldheer ee Gobolka Galgaduud.
Sidoo kale Ciidamadan ayaa la filayaa in ay gaaraan Degmada Ceeldheer, ka hor inta aanay ka hawlgalin goobaha uu qorshuhu yahay inay ka saaraan maleeshiyada Al Shabaab.
Ciidamadaan ayaa Ku Hubeeysaan gaadiidka dagaalka Iyo hubka noocyadiisa kala duwan. Waxaana la socda Saraakiil Ciidan Iyo Siyaasiyiin ka soo jeeda Deegaanka Ceeldheer ee G/Galgaduud.
Dhanka kala Maalmihii Ugu Danbeeyay ayaa Ciidankaan laga abaabulayay Magaalada Muqdisho, si ay uga qayb qaataan wejiga labaad ee hawlgalka dib-u-xoreynta dalka.
Ugu danbeeyntii Maamulada Galmudug iyo HirShabelle waxaa ka socdo dhaqdhaqaaq ciidan, Kaasi oo ah in AlShabaab looga saaro dhulka ay ka haystaan Maamuladaasi.
Fakirkaada waa inoo muhiim ee nala wadaag