Sida ay Warbaahinta Caalamka ay sheegayaan In cabsi Xoogan ay ka jirto Xeebaha Somaliya kaddib markii afar qof oo aan la aqoonsan isku dayeen inay fuulaan markab ganacsi oo ku sugnaa 534 kiiloomitir bari ka xigta magaalada Muqdisho, subaxnimadii Isniinta ee maanta.
Hay’adda Howlaha Badda ee Boqortooyada Ingiriiska (UKMTO) ayaa sheegtay in kabtanka markabka uu ku war geliyay in burcad-badeeddu isku dayeen inay fuulaan doon yar, balse weerarka uu fashilmay markii lagu riday rasaas digniin ah.
Dhacdadan ayaa timid toddobaad kaddib markii mas’uuliyiintu kordhiyeen digniinta khatarta burcad-badeedda, kaddib markii la afduubtay doon yar, taas oo muujinaysa in khatarta burcad-badeedda Soomaaliya ay mar kale soo noolaanayso Badda Hindiya.
Dhinaca kale Mas’uuliyiintu waxay ku baaqeen in markab kasta oo ka shaqeeya Badda Hindiya uu taxaddar dheeri ah sameeyo, isla markaana la socdo digniinaha iyo warbixinaha amniga badda ee UKMTO iyo hay’adaha kale ee caalamiga ah.
Fakirkaada waa inoo muhiim ee nala wadaag