Tababaraha Liverpool Arne Slot ayaa laga mamnuucay kulammada Newcastle iyo Southampton.
Xiriirka Kubadda Cagta Ingiriiska (FA) ayaa ganaax labo kulan ah dul dhigay tababaraha Liverpool, Arne Slot.
Tani waxay ka dhalatay kaadhkiisii casaa ee uu qaatay kulankii ay Liverpool barbaraha 2-2 la gashay Everton horaantii bishan.
Slot ayaa garoonka laga saaray kaddib markii uu si toos ah ugu gacan qaaday garsooraha Michael Oliver ciyaarta kaddib.
Ganaaxan wuxuu la micno yahay in tababaraha reer Holland uu seegi doono kulanka ay Liverpool Arbacada la yeelan doonto Newcastle iyo kan ay March 8 la ciyaari doonto Southampton.
Si kastaba ha ahaatee, Slot wuxuu awoodi doonaa inuu hoggaamiyo Liverpool marka ay March 5 la ciyaarayaan Paris Saint-Germain wareega 16-ka Champions League.
Tababare ku-xigeenka Liverpool, Sipke Hulshoff, ayaa isna la ganaaxay labo kulan.
kooxda Liverpool iyo Everton ayaa lagu ganaaxay £65,000 iyo £50,000 siday u kala horeeyaan, kaddib markii lagu helay inay ku guuldarreysteen xakameynta ciyaartoydooda.
Fakirkaada waa inoo muhiim ee nala wadaag