Mohamed Salah Oo Taariikh Kale Dhigay! Boqorka reer Masar Ee Liverpool Oo Dib U Qoraya Rikoodhada Premier League Xilli Uu Gaaray Guul Cristiano Ronaldo & Thierry Henry Aysan Waligood Gaadhin.
Mohamed Salah ayaa sii wada dib u qorista taariikhda Premier League, isagoo gaadhay wax Cristiano Ronaldo iyo Thierry Henry aysan waligood samaynin.
Xiddiga reer Masar ayaa noqday halyeyga Liverpool tan iyo markii uu kusoo biiray xagaagii 2017. Wuxuu xilli kasta Anfield ka dhaliyay ugu yaraan 20 gool, wuxuuna heerkiisa sare sii joogteeyay xilli ciyaareedkan 2024-25.
Marka laga soo tago goolashiisa, Salah sidoo kale wuxuu caan ku yahay inuu fursado u abuuro saaxiibadiisa. Xiddigan Reds ayaa gacan ka geystay gool halka uu caawiyay mid kale kulankii Premier League ee ay kula yeesheen Manchester City garoonka Etihad, taasoo markale muujisay heerkiisa sare ee tartanka.
Mohamed Salah ayaa furay gooldhalinta kulankaas, ka hor inta uusan caawin Dominik Szoboszlai si uu u laba jibbaaro hoggaanka Liverpool.
Waxqabadkiisa cajiibka ah ayaa gaarsiiyay inuu ku lug yeesho 40 gool xilli ciyaareedkan, taasoo ka dhigaysa xiddigii ugu horreeyay ee labo xilli ciyaareed oo kala duwan ku lug yeesha 40+ gool.
Salah wuxuu horey u dhaliyay 32 gool iyo 10 caawin xilli ciyaareedkii 2017-18, taasoo markale muujisay heerkiisa sare iyo saameynta weyn ee uu ku leeyahay Premier League.
Fakirkaada waa inoo muhiim ee nala wadaag