Wararka laga Helayo Dalka Niger ayaa Sheegaya ku dhawaad 44 qof ay ku dhinteen weerar ka dhacay masaajid ku yaalla tuulada Fonbita ee gobolka Kokorou, koonfur-galbeed ee dalka Niger. Sida uu sheegay wasiirka arrimaha gudaha ee dalkaas, weerarka waxaa geystay kooxo ka tirsan Daacish.
Wasiir Toumba ayaa intaa ku daray in weerarka uu sababay Dhimasho Iyo Dhawac Kuna Dhinteen 44 Qof kuna dhaawacmeen 13 qof , afar ka mid ahna ay xaaladoodu aad u daran tahay. Weerarkan naxdinta leh ayaa keenay in dowladda Niger ay ku dhawaaqdo saddex maalmood oo baroordiiq qaran ah, taasoo bilaabanaysa maanta.
Ciidamada ammaanka ayaa wada howlgallo lagu baadi goobayo kooxihii weerarka geystay, iyadoo dowladda ay ballanqaadday in tallaabo adag laga qaadi doono dambiilayaasha.
Fakirkaada waa inoo muhiim ee nala wadaag