Tababaraha Paris Saint-Germain, Luis Enrique, ayaa magacaabay goolhayaha Liverpool, Alisson Becker, inuu ahaa xiddiga ugu fiican Reds.
Enrique ayaa sheegay in goolhayaha reer Brazil uu ahaa “cajiib” kulankii ay PSG la ciyaartay Liverpool lugta hore ee wareega 16-ka ee UEFA Champions League. habeenkii Arbacada.
Becker ayaa loo magacaabay xiddiga garoonka kaddib markii uu sameeyay sagaal badbaadin intii lagu jiray ciyaarta.
Goolhayaha PSG, Gianluigi Donnarumma, ma sameynin wax badbaadin ah, wuxuuna ku fashilmay inuu ilaashado shabaqiisa isku daygii ugu horreeyay kaasoo sababay goolka kaliya ee Liverpool oo uu dhaliyay Harvey Elliott saddex daqiiqo ka hor dhammaadka ciyaartii ka dhacday Paris.
Mar uu la hadlayay saxaafadda ciyaarta kaddib, Enrique wuxuu sheegay in PSG ay mudneyd wax ka badan natiijada kulanka.
“Waxaan mudneyn wax ka badan,” ayuu yiri Enrique.
“Xiddigooda ugu fiican wuxuu ahaa goolhayahooda – wuxuu ahaa mid cajiib ah maanta.
“Ma ahayn kulan lagu salayn karo tirokoob ama faahfaahin.”
Natiijada ayaa soo afjartay rikoorkii guuldarro la’aanta ee 22 kulan PSG iyo sidoo kale 10 kulan oo xiriir ah oo ay guulo gaareen dhammaan tartamada.
Fakirkaada waa inoo muhiim ee nala wadaag