Ciidamada maamulka Puntland , ayaa saakay howlgal balaaran ku qaaday kooxda Daacish ayagoo doonaya in ay ka saaraan deegaanno iyo fariisimo ay ku leeyihiin dhulka buuraha ee hoostaga degmada Qandala.
ciidamada Puntland ayaa dhoor jiho ka weeraray aagga Dhasaan ee degmada Qandala, waxa ayna ciidamada doonayaan in aagaan ka saaraan Kooxda Daacish oo la sheegay in fariisimo ku leeyihiin.
Dhanka kale Saraakiisha ciidanka Puntland ee howlgalka hoggaamineysa ayaa sheegay in ciidankooda ay hadda kusii siqayaan degaanno ay ku jiraan Af-cad, Xankookib .Dhasaan, Iyo Deegaano kale deegaanadaan ayaana la sheegay in ciidamada qarka u saaran yihiin in Daacish kaga saaraan dagaal la’aan.
Sidoo kale Ciidamada Puntland ayaa hada gebogabo marsiinaya wajiga labaad ee howlgalka lagu ciribtirayo argagaxisada Daacish, waxa ayna ciidamada mar kale isku diyaarin doonaan howlgallo kale oo lagu soo afjarayo kooxda Daacish.
Fakirkaada waa inoo muhiim ee nala wadaag