Kooxo hubeysan ayaa xalay Magaalada Gaalkacyo ee gobolka Mudug ku dilay laba dhalinyaro ah oo lagu kala Magacaabo Saciid Gurre Cali iyo gabar la socotay oo lagu magacaabi jiray Canab Burhaan Maxamed Cali, kadib markii ay weerar qorsheysan ku qaadeen dableeydaasi.
Weerarkan ayaa ka dhacay meel ku dhow Beerta Bilan oo ku taalla dhinaca waqooyi ee magaalada Gaalkacyo.
Kooxdaani Hubeeysan ayaa Beegsaday Baabuur ay saarnaayeen Labada dhalinyaro ee la dilay AUN
Sidoo kale Goobta uu falku ka dhacay ayaa ah inta u dhaxeysa Beerta Bilan iyo Kaamka Tawakal ee duleedka magaalada Gaalkacyo qeybta uu ka taliyo maamulka Puntland.
Allaha u naxariistee labadii ruux ee saarna gaariga ayaa halkaas ku nafwaayey.
Dhanka kale Ma cadda illaa hadda sababta keentay weerarkan ay ku naf waayeen labada ruux, waxaase loo malaynayaa inuu salka ku hayo dilalka la xiriira aanooyinka qabiilka.
Ma jiro weli wax war ah oo ka soo baxay laamaha ammaanka. Waa Nasiib Daro weeyn ayadoo ay tahay Maalin Ciid ah in dhalinyaro aan danbi galin loo dilo aano qaabiil-
Fakirkaada waa inoo muhiim ee nala wadaag