Wararka laga Helayo Maamulka Puntland ayaa sheegaya Ku Dhawaad 23,700 arday oo dhigta dugsiyada sare ee Puntland ay maanta oo sabti ah u fadhiisanayaan imtixaanka shahaadiga ah, kaasoo si isku mid ah uga dhici doona 150 xarumood oo ku yaalla 30 degmo oo ka tirsan maamulkaasi.
Imtixaankan oo ay mid lamid ah qaadeyso Dowladda Federaalka Soomaaliya ayaa maamulka Puntland in ka badan 20 sano si madax-bannaan uga qaadaya ardayda shahaadiga ah ee dugsiga sare.
Wasaaradda Waxbarashada Puntland ayaa sheegtay in ay u diyaar-garowday sugidda amniga, hubinta hufnaanta imtixaanka iyo sidii ardaydu si xor iyo xasilooni leh ugu galilahaayeen imtixaanka.
Dhowr jeer oo hore ayay Dowladda Federaalka Ugu Baaqday maamulka Puntland in ay ardayda ka qaadaan Imtixaanka Qaranka, balse weli ma suuro galin. Arrintan Hase ahaatee waxaa caqabado kala kulma ardayda dooneysa in gudaha dalka iyo dibadda wax ku soo bartaan.
Sidaan oo kale, Maamulka Somaliland ayaa isaguna si gaar ah u qaada Imtixaanka Dugsiyada Dhexe iyo Sare.
Fakirkaada waa inoo muhiim ee nala wadaag