Dowladda Soomaaliya ayaa shaacisay in ciidamada Maraykanka ee AFRICOM ay fuliyeen duqeyn cirka ah oo lala beegsaday xubno ka tirsan Daacish.
Qoraal ka soo baxay Dowladda ayaa lagu sheegay in Duqeyntan oo si gaar ah uga dhacday deegaanka ku yaalla qiyaastii 70km dhanka Koonfur-bari ee magaalada Boosaaso, gobolka Bari ee dowlad-goboleedka Puntland.
Wararka soo baxaya ayaaa sheegaya in duqeymaha ay ka dhaceen dhulka buuraleyda ah, gaar ahaan saldhigyo ay leeyihiin Daacish.
War-saxaafadeedka kasoo baxay dowladda Soomaaliya ayaa lagu sheegay in weli la wado qiimeynta khasaaraha iyo saameynta duqeynta, si loo xaqiijiyo in ujeeddooyinka hawlgalku la gaaray.
Dowladda Federaalka ayaa xustay in duqeyntani ay taageerayso dadaallada ciidamada amniga Puntland ee ka dhanka ah Daacish.
Dowladda Soomaaliya ayaa uga mahadcelisay Dowladda Mareykanka iskaashiga dhinaca amniga, sida duqeymaha iyo taageerada kale.
Fakirkaada waa inoo muhiim ee nala wadaag